Ongi etorriak Mikelen Txokora

Ongi etorriak izan zaitezte Mikelen txokora.
Hemen aurkituko dituzue ZIENTZIEN arloan salseatzeko hainbat kontu.

DBHko Matematika eta Natura ariketez gain Batxilergoko Biologia, Mundu Garaikiderako Zientziak eta Lur eta Ingurunearen Zientzien ariketa, bideo eta abarrak ere aurkituko dituzue.

Tuesday, November 21, 2017

Batxi 1/2: Biologia. ADNaren kondentsazio mailak

Bideo honetan ongi ikusten da ADN-aren kondentsazioa helize bikoitza izatetik kromosoma izateraino. Klikatu argazkian.


Sunday, November 19, 2017

DBH 4: Biologia. ADN eta ARN molekulak.

ADNa kopiatzea izango da gure lana. Lehenengo bideotxoan hiru ADN zati erakutsiko dizkizuegu eta bakoitzaren osagarria idatzi beharko duzue. Lehenengo zatia erraza da, bigarrena ere bai, hirugarrena luzeagoa, beraz zailtxoagoa.









Bigarren bideo honetan ADNaren osagarria izango den ARN sekuentzia bilatu beharko duzue. Hau superzaila da eta ez dugu uste lortuko duzuenik, baina bueno... saiatu...









Hemen aurkezten dizkizuegu ARNaren bi zati (bideo bakoitzean bat). Saia zaitezte kode genetikoa erabiliz aminoazidoen katea osatzen.
Beraz:
1) Idatzi koadernoan bideoan ikusitako sekuentzia.
2) Bilatu kode genetikoaren inguruko informazioa interneten.
3) Idatzi aminoazidoen sekuentzia.

1. bideoa








2. bideoa

Friday, November 17, 2017

DBH 4: Biologia. Daltonismoa.

Daltonismoaren gaia jorratu dugula eta, Eirek honako bideo hau jarri zigun gelan. El Hormigero telebista saioan gertatu zen, hiru pertsona daltonikok betaurreko bereziak jantzi eta koloreak lehen aldiz ikusi zituzten. Klikatu argazkian.

https://www.youtube.com/watch?v=zC-ornwOpAk

Thursday, November 16, 2017

Gasteiztarrak Zumaian

Unamunotarrak non eta Zumaian, hau poza! Zoragarriak zarete.
Segi halako jator!




Wednesday, November 15, 2017

DBH 4: Biologia. Down sindromea.

Atzo bertan Euskal Telebistako "Ur handitan" saioak Down sindromearen gaia landu zuen. 21. kromosoma XXI mendean. Aipatu berri dugu klasean trisomia zer den eta merezi du dokumentala ikusteak. Egin klik argazkian.














Hemen duzue Motxila 21 taldearen "Somos la banda motxila 21" abestiaren bideoklipa. Klikatu argazkian.


Tuesday, November 14, 2017

DBH 3: Biologia. Elikagaiak















Gaiaren errepasua egiteko hona hemen ariketa bat.
Azter itzazue ondorengo elikagaiak eta eman ezazue bakoitzari buruzko informazio hau:
- Elikagai mota.
- Elikagaien gurpileko taldea.
- Dituen mantenugaiak.
- Kontserbatzeko metodoak

Elikagaiak honako hauek dira:
- Ogia
- Garbantzuak
- Melokotoia
- Tomatea
- Esnea
- Sardinak
- Gurina
- Sagarra
- Pamplona txorizo xerrak
- Piper gorriak

Wednesday, November 8, 2017

DBH 3: Biologia. Elikagai transgenikoak

Klasean elikagai transgenikoak ikusi ditugu, bereziki landareak; tomatea, patata, sagarra, artoa...





















Ingeriaritza genetikoari esker animaliekin ere saiakera ugari agin dira, batzuk oso bitxiak eta etikoki zalantzazkoak. Ikus itzazue argazki hauek:

Katu fluoreszentea:















Lau hegaletako eulia:















Behi urdin belgiarra:

Monday, November 6, 2017

DBH 3: Biologia. Kontserbazio metodoak

Hona hemen hainbat elikagai kontserba. Esan ezazu nola kontserbaturik dagoen bakoitza eta zergatik erabiltzen den metodo hori.





















Friday, November 3, 2017

DBH 4: Biologia. Heterokromosomen genetika ariketak

Sexuari loturiko gaixotasunen ariketak dituzu jarraian:

1) Posible al da ondo ikusten duten gurasoek alaba daltonikoa izatea? Eta seme daltonikoa izatea?

2) Gizon hemofiliko batek hemofiliaren eramalea den alaba dauka. Hau gerta dadin ezinbestekoa al da emaztea ere eramalea izatea?


3) Gizon hemofiliko eta emakume eramalea haur baten esperoan daude.
    a) Zein da haurra jaio aurretik hiltzearen probabilitatea?
    b) Haurra jaio bada, zein da hemofilikoa izateko daukan probabilitatea?

4) Zein da emakume daltoniko batek seme daltonikoa izateko daukan probabilitatea? Aukera berdina al du alaba daltonikoa izateko?

5) Emakume batek eta gizon hemofiliko batek seme hemofilikoa izan dute. Zein da emakumearen genotipoa?

6) Gizon normal batek eta daltonismoaren eramalea den emakumeak lau seme daltoniko izan dituzte. Posible al da hori?

Tuesday, October 31, 2017

DBH 3: Biologia. Medikuarenean.















Medikuarenera joan dira hainbat pertsona eta honek beren ahuleziak aztertu ondoren dieta berezietarako aholkuak/aginduak eman dizkie.
Presta ezazu bakoitzarentzako menu berezi bat atzoko ariketako multzo bakoitzeko produktu egokiena aukeratuz, beti ere medikuaren aholkuei kasu eginez, noski.

Ander: 
Tentsio altuarekin ibiltzen da eta beraz sodioak kalte egiten dio, aldiz potasioa oso ona da berarentzat.
Jone:
Kolesterol arazoak ditu. Lipidoak ahalik eta gutxien jatea komeni zaio.
Leire:
Bitamina faltan dago, batez ere A eta C bitamina asko dituzten elikagaiak jan behar ditu.
Peru: 
Etzaizkio karbohidratoak batere komeni. Energia proteinetatik ateratzeko aholkua eman dio medikuak.
Sara:
Oso urduria denez kirola ugari egiten du eta horregatik janari energetikoak behar ditu.
Koldo:
Sara ez bezala, hau beti sofan etzanda telebista ikusten egoten da eta ez du kaloriarik batere gastatzen.
Uxue:
Ez zaizkio barazkiak batere gustatzen. Nolako dieta jarriko diozu barazkirik jan gabe mantenugai guztiak lor ditzan?