DBH 1; Natura. Ura gure planetan.

Liburuko 14. jarduerarekin loturiko bideoa duzu hemen.

Gartxo: Ondo pasa gabonetan eta urte berri on

DBH 1: Natura Aldaketa klimatikoa (eta 5)

Tuvalu aipatu genuen baina gertuago badaukagu beste adibide bat ere: Venezia. Ikusi ikusi nolako argazkia...

DBH 2: Matematika. Ekuazioak. Problemak.

1) Ama batek bere semearen adinaren hirukoitza gehi bi urte dauzka, eta bien adinaren batura 66 da. Kalkula ezazu bakoitzaren adina.

2) Patxi, Peru eta Pello perretxikotan joan dira. Patxik Peruk baino hiru gehiago hartu ditu eta Pellok Peruk baino bi gutxiago. Etxera itzultzean tortilla ederra egin dute batutako 43 perretxi- koekin. Zenbat batu ditu bakoitzak?

3) Triangelu isoszele baten itxurako baratza dauka osaba Txominek. Oinarriak, berdinak diren aldeak baino 20 metro gutxiago ditu. Kalkula ezazu:
a) Alde bakoitzaren neurriak jakinik perimetroa 220 metrotakoa dela.
b) Baratza hesitu nahi du eta bi metro bakoitzeko makila bat sartuko du. Zenbat makila erabili beharko ditu alde bakoitzean eta guztira?
c) Makila bakoitzak 1'5 € balio ditu eta inguratzeko alanbreak 0'3 metro bakoitzeko. Zenbat diru gastatuko du guztia hesitzen?

4) Joxantonioren adina zein den jakin nahi dugu. Badakigu daukan adinaren erdia bete zuen egunean unibertsitatean ikasten bukatu zuela, ondoren adinaren herena lanean egon zen baina orain bederatzi urte daramatza lanik gabe. Zein da Joxantonioren adina?

DBH 1: Natura. Aldaketa klimatikoa (4)

Berotegi efektua eta ozono geruzaren zuloa aztertu ondoren orain euri azidoaren txanda da. Begira itzazue lau argazki hauek (klikatu argazkietan hobeto ikusteko).

Lehenengo argazkian euri azidoa nola sortzen den ikusten da.

Bigarren argazkian euri azidoaren eragina baso batean.

Hirugarren argazkian euri azidoa jasan duen hosto bat hosto normal batekin konparatuta daukazue.

Laugarren argazkian euri azidoaren presentzia Europan.

.

.

.

,

,

DBH 1: Natura. Aldaketa klimatikoa (3)

Berotegi efektua ikusi ondoren ozono geruzaren zuloa aztertu dugu. Jadanik badakigu Antarktika aldean dagoela zuloa, baina zein tamainatakoa da? eta zela joan da handitzen denborak aurrera egin ahala? Horretarako animazio bat aurkitu dut wikipedian. Klikatu hemen.

DBH 1: Natura. Aldaketa klimatikoa (2)

Hona hemen berotegi efektuaren inguruko animazio bat. Idatz ezazu naturako koadernoan bertan azaltzen dena, zure hitzez.

DBH 1: Natura. Aldaketa klimatikoa (1)

Klasean atmosferaren kutsaduraren atala aztertzen ari gara eta lehenengo berotegi efektuaren sorrera eta ondorioen inguruko hausnarketatxoa egin dugu. Ondorioetako bat poloetako izotzen urtzea dela ikusi dugu eta Google Earthen "Tuvalu" aurkitu eta behatzeko eskatu dizuet. Google Earth ez daukazuenentzako hona hemen Tuvaluren pantailazo batzuk (klikatu argazkian haundiago ikusteko).

Irakur ezazue era berean wikipediak Tuvaluren inguruan daukan informazioa. Asteazkenean klasean komentatuko dugu ikusitakoa.

DBH 2: Mate Tailerra. Euriborraren bilakaera

Etxeak erosteko mailegua eskatzerakoan, banketxeak dirua ematen digu baina interesekin itzuli behar izaten diogu. Interesak hilabetero birkalkulatzen dira eta normalean Euribor izeneko indizea erabiltzen da horretarako, hori da Alazneren kasua. Alaznek hilabeteroko kuotari Euriborraren indizea + 0'50 gehitu behar izaten dio.

Olaiak berriz tratu berezia egina du banketxearekin eta berak interes finko bat lortu du, 3'20koa.

Klikatu hemen Euriborraren azken bost urteotako bilakaera ikusteko.

a) Kontutan izanik biek 2008ko urtarrilean eskatu zituztela maileguak nori atera zaio hobeto?

b) Zein izan da Euriborrak 2005eko urtarriletik izan duen balio txikiena? eta zein altuena?

c) Zein izan da Euriborraren batazbestekoa tarte horretan?

d) Zenbat hilabete egin ditu batazbestekoaren gainetik? eta zenbat azpitik?

DBH 1: Natura. Atmosferaren egitura

Ostadar-eko bigarren unitatea aztertzen hasi gara, Airea eta ura, gure altxorrak izena duena. Hasi atmosfera aztertuz egin dugu, eta zehatzago esanda atmosferaren geruzak aztertuz. Horreratara hona hemen sarean aurkitu dudan animazio bat. Klikatu irudian eta www.caosyciencia.com web orrialdeko animazio bat ikusiko duzue.

DBH 1: Teknologia. Zubiak

Orain zubiak eraiki behar dituzuenez hona hemen lagungarri izango zaizkizuen hainbat eredu (irudiaren gainean klikatuz gero handiago ikusiko dituzu).

Azter ezazu irudi bakoitza eta esan ezazu ikasitako zeintzu elementu ikusten dituzun berauetan:

a) Bizkaia zubia (Portugalete, Euskal herria)

b) Forth bridge (Edinburgh, Eskozia)

c) Golden Gate (San Francisco, AEB)

d) Krčki Most (Kroazia)

e) Øresundsbroen (Danimarka-Suedia)

f) Ponte Dom Luís (Porto, Portugal)

g) Puente de Rosario-Victoria (Argentina)

h) Harbour Bridge (Sydney, Australia)

i) Tower Bridge (London, Ingalaterra)

DBH 1: Teknologia. Egiturak

Ikus ezazu duela bi urte Oiongo San Bizente ikastolako ikasleek nolako egiturak egin zituzten papera soilik erabiliz.

DBH 2: Mate. Berreketak eta Erroketak

Aste honetan azterketa daukagunez hona hemen Berreketen eta Erroketen errepasu ariketak.

Klikatu irudietan eta ariketak ongi ikusiko dituzu.

DBH 1: Natura. Astroen tamainak

Hona hemen astroen tamainen arteko konparazioa ikusten deneko bideo bat. Ilargitik hasi eta Antares izerreraino iristen da.

DBH1: Natura. Eguzki eklipsea 2005

Ez dakit gogoratuko duzuen 2005eko urriaren 3an ikusi ahal izan genuen eklipsea.
Eguzki eklipse partziala izan zen eta hemen dituzue Oiongo ikastolako patioan atera nituen hiru argazki. Lehenengoa ohikoa da, baina beste biak oso bereziak dira, ezta?

DBH1: Natura. Eklipseak

Hurrengo eklipseen berri eman digu Estatu Batuetako NASA erakundeak.

2009ko abenduaren 31ean ilargi eklipsea. Klikatu hemen xehetasunak ikusteko.

2010ko urtarrilaren 15ean eguzki eklipsea. Klikatu argazkian handiagoa ikusteko.







2010ko ekainaren 26an ilargi eklipsea. Klikatu hemen xehetasunak ikusteko.

2010ko uztailaren 11ean eguzki eklipsea. Klikatu argazkian handiagoa ikusteko.








2010ko abenduaren 21an ilargi eklipsea. Klikatu hemen xehetasunak ikusteko.

DBH1: Natura. Lurraren mugimenduak

Hona hemen Lurraren, ilargiaren eta eguzkiaren mugimenduen inguruko animazio batzuk.

Lehenengo irudian klikatzen baduzu Lurraren translazioa ikusi ahal izango duzu. Exploring Earth web orritik atera dut animazio hau.





Bigarren irudian eguzki eklipsearen inguruko animazio bat daukagu. BBC-rena da animazioa eta beraz ingelesez dago, baina badakit arazorik ez duzuela hizkuntzarekin... Klikatu irudian eta BBCren web orrira pasako zara.



Hirugarren irudian ilargi eklipsearen animazio bat ikus dezakegu Lunar Eclipse Animation web orrian. Oraingoan ere irudian klikatu behar duzu.




Laugarren irudian itsasaldien animazio bat ikusiko dugu. Hau ere ingelesez dago, aimsorri, Science & Tecnologies Focus web orrian aurkitu dut eta.

DBH 2: Mate. Idazkera zientifikoa.

Dakizuen bezala, oso zenbaki handiak edo oso zenbaki txikiak adierazteko erabiltzen da idazkera zientifikoa.
Erantzuna koadernoan apunta itzazue.

1) Interneten salseatuz bila itzazu ondorengo elementuen neurriak:
- Lurraren masa kilogramotan.
- Esne bidearen diametroa kilometrotan.
- Erribosoma baten tamaina metrotan.
- Kontinente guztiek elkartuta daukaten azalera kilometro karratutan.
- Protoi baten masa kilogramotan.
- Gripearen birusaren tamaina metrotan.

2) Erantzun itzazu orain ondorengo galderak (borobildu emaitza):
- Zenbat aldiz handiagoa da Jupiter Lurra baino?
- Zenbat aldiz handiagoa da Eguzkia Jupiter baino?
- Zenbat aldiz txikiagoa da gripearen birusa ameba bat baino?
- Zenbat aldiz handiagoa da balea urdina sardina baino?
- Zenbat aldiz txikiagoa da elektroia protoia baino?

DBH1: Natur Zientziak. Ostadar.net ezagutzen. Lurraren inklinazioa

Berriro ere www.ostadar.net-en murgilduko gara. Jadanik badakizue bertara sartzen eta 18. orrialdeko 7.multimedia jarduerari ekingo diogu. Bertan web orri baterako gonbidapena daukazue, hala ere kontuz animazioarekin, zerbait berezia badu eta!!! Oraingoan Lurraren inklinazioaren ondorioz sortzen diren bi fenomenoren inguruan arituko gara:
-Urtaroak.
-Gauerdiko eguzkia.

Galderak:
1) Jakin nahi dudana da (eta hau da erantzun beharko duzuena) zelan eragiten duen inklinazioak fenomeno hauetan.
2) Zer adierazten dute Ekuatoreko paraleloak, eta Cancer eta Capricornioko tropikoek?
3) Zein egun eta ordutan sartuko gara neguan?








4) Non eta noiz gertatzen da gauerdiko eguzkia?
5) Zein lerrotatik aurrera gertatzen da gauerdiko eguzkia?

DBH 2: Mate Tailerra. Neurrien errepasua

1) Begira ezazu ongi ondorengo irudiei eta esan ezazu zein neurri agertzen den bakoitzean, zein magnituderi dagokion eta sistema metriko hamartarrean daukan baliokidetasuna.

2) Zein neurrirekin lotuko zenituzke ondorengo elementuak?





























3) Erantzun itzazu ondorengo galderak:

- zein distantzia egin zuen Nautilus urpekuntziak ? Eman ezazu erantzuna kilometrotan eta itsas-miliatan.
- zein abiadura har dezake 1 Formulako auto batek? Eman ezazu erantzuna mph-tan.
- zein da munduko bi mendi garaienen altuera? Eman ezazu erantzuna oinetan.

DBH 1: Ikasleen bideoak. Unibertsoa

DBH 1-en Natur Zientzien arloan Unibertsoa ikertzen hasi gara eta 1A gelako neskek bi bideo egin dizkigute gaiaren inguruan. Lehenengoan Eguzki Sistema azaltzen digute eta bigarrenean zodiakoa osatzen duten konstelazioak. Ea gustuko dituzuen bideo biak...

DBH 1 Natura. In the beginning

Unibertsoaren sorrera ikasten ari gara eta hemen duzue unibertsoaren eta biziaren sorrerari buruzko ideia berezia ematen duen bideotxo bat. Ea gustoko duzuen...

DBH1: Natur Zientziak. Ostadar.net ezagutzen

Gaurkoan ostadar.net ezagutzeko tartetxo bat hartuko dugu. Hubble teleskopioaren inguruko ariketa da. Azal ezazue zuen hitzez nola funtzionatzen duen Hubble teleskopioak.



Ondoren jarrai ezazu honako bide hau:
1) Ostadar.net (aurreko ariketan gelditu zareten orrialdea)
2) "gehiago jakiteko" orrialdea.
3) Telescope
4) Wikipediako artikulua euskaraz
5) Hubble teleskoopioari eskainitako ESAren webgunea
6) Educational corner
7) Images

Bila itzazue ondorengo irudiak: galaxia kiribila, Marte, Karramarroaren nebulosa (Crab Nebula), Sirius izarra, Tempel kometa, Artizarra eta galaxia barradun bat.

DBH 2: Matematika tailerra. Zenbakiak

Hemen duzue euskaldun errotariek erabiltzen zituzten zenbakien inguruko ariketa bat. Beha itzazu ongi azalpenak eta egin itzazu Patxi errotariak planteatzen dizkizun ariketak eta galderak. Horretarako klikatu ezazu irudiaren gainean.

DBH 1 Teknologia: Erremintak

Hona hemen hainbat erreminten irudiak. Bakoitzari buruzko informazioa bilatu behar duzue, hiru galdera hauek erantzunez:
- zein da beraien euskarazko izena?
- zertarako erabiltzen dira?
- aukeratu zortzi multzo hauen artean zein motatakoa den bakoitza:
1) oratzeko erreminta
2) deformazio eta moldaketarako erreminta
3) higatzeko erreminta
4) muntaia eta desmuntaiarako erreminta
5) zulatzeko erreminta
6) ebakitzeko erreminta
7) neurketarako eta marraketarako erreminta
8) lotzeko erreminta

A

B

C

D

E

F

G

H

I

J

K

L

M

N

O

P

Q

R

S

T