Ongi etorriak Mikelen Txokora

Ongi etorriak izan zaitezte Mikelen txokora.
Hemen aurkituko dituzue ZIENTZIEN arloan salseatzeko hainbat kontu.

DBHko Matematika eta Natura ariketez gain Batxilergoko Biologia, Mundu Garaikiderako Zientziak eta Lur eta Ingurunearen Zientzien ariketa, bideo eta abarrak ere aurkituko dituzue.

Monday, December 17, 2012

DBH 2: Mate. Lehen mailako funtzioak (3)

Hemen lehen mailako hainbat funtzio. Bikoteka marraz itzazu grafikatan eta ondoren galdera hauek erantzun itzazu:
- Zein motatako funtzioa da bakoitza (lineala, afina ala konstantea)?
- Gorakorra ala beherakorra da?
- Zein puntutan elkartzen dira funtzio biak?

Funtzio bikoteak:
A) y = x + 4 ; y = -2.x + 1
B) y = x - 1 ; y = 2.x
C) y = 2.x - 5 ; y = x + 3
D) y = 3 ; y = 2.x - 1
E) y = 1 - 4.x ; y = 2.x - 5

Wednesday, December 12, 2012

DBH 2: Mate. Lehen mailako funtzioak (2)

3) Donejakue bidea egiten ari nintzela Naiaran Pedro aurkitu nuen. Bera hiru egun lehenago bidea egiten hasia zen eta dagoeneko 75 kilometro ibiliak zituen. Nik berarekin batera aurrera jarraitzea erabaki nuen hurrengo hamar egunetan.
- Zenbat kilometro izango zituen ibiliak Pedrok nirekin elkartu eta bi egunetara? eta nik agur esan nionean?
- Leon Naiaratik 300 kilometrotara badago eta santiago distantzia bikoitzera, zenbat egun behar izango zituen hiri bietara iristeko?

4) Pedro Galiziako mugara iritsi eta 21 metroko altuera duten eukaliptoen aurrean dago. Urtero 3'5 metro hazten direla esan diote.
- Egin ezazu hurrengo hamar urteetako grafika.
- Zein da eukaliptoen hazkuntza zehazten duen formula?
- Zein altuera izango dute zuk 30 urte betetzen dituzunean?
- 84 metrotako altuera dutenean mozten badituzte, zein urtetan izango da hori?

Monday, December 10, 2012

DBH 2: Mate. Lehen mailako funtzioak (1)

1) Lantziegoko etxe bat alokatu du familia batek. Ordaintzen duten alokairua hileko 400 €-koa da, baina hasieran fidantza gisa 1000€ eman behar izan dituzte.
- Egin ezazu lehen 10 hilabetetako grafika.
- Aurki ezazu grafika horrek jarraitzen duen formula.
- Zenbat ordaindu izango dute guztira bi urte betetzerakoan?
- Hiru urte eta erdi bertan bizi ondoren etxez aldatzea erabaki dute eta fidantza itzuli zaie. Zenbat ordaindu dute beraz guztira denbora horretan?

2) Hartz arre bat maiatzean hasi da hibernaziorako prestatzen. Orduan 170 kg-ko pisua zeukan eta hilero 20 kg irabazten ditu.
- Egin ezazu abendurarteko pisuaren grafika.
- Zehaztu grafika hori betetzeko erabili den formula.
- Zein da abenduan irabazitako pisuaren portzentaia?
- Hartzak hibernaziorik egingo ez balu zein pisu izango luke hurrengo urteko maiatzean?


Sunday, December 9, 2012

DBH 4: Fisika. Higidura Uniformeki Azeleratua

Egin itzazu ondorengo ariketak:
1) Semaforoa berde jartzean Sebastian Vettelen Red Bull autoa azeleratzen hasi eta lehenengo iritsi da aurreneko bihurgunera, horretarako 8 segundu behar izan dituelarik. 215 km/h-ko abiadura lortu badu, zein izan da azelerazioa? Zein distantzia ibili du?
2) Zuzengune luze batean zetorren autoak abiadura jeitsi behar izan du Guardiara sartzerakoan. Sei segundutan 35 km/h-ko abiduraraino iritsi da. Azelelerazioa -1'75m/s2-koa izan bada, zein zen zuzengunean zeukan abiadura?
3) Empire State Buildingeko goiko puntatik lorontzi bat erori da. Kontuan izanik lorontziak 750 gramo pisatzen dituela eta plastikozkoa dela, zein abiadurarekin jo du espaloia?
4) Bazetorren kamioia 80 km/h-tan eta zazpi segundutan 40 m/s-ra aldatu du abiadura. Zein izan da azelerazioa? Zenbat metro ibili ditu zazpi segundu horietan?
5) 60 km/h-ra zihoan auto batek 250 metrotara gorri zegoen semaforoa ikusi du eta juxtu izan bada ere marran bertan gelditzea lortu du. zein izan da azelerazioa?

Monday, December 3, 2012

MGZ/DBH 4 Bio: Euri azidoaren eragina.

Euri azidoaren eragina ikusteko